The Road......Never Ends

ఒక వీకెండ్ రోజు…

ఫైర్ క్యాంప్, బీచ్, ఫ్రెండ్స్…
ఈ మూడు కలిస్తే ఒక పర్ఫెక్ట్ వీకెండ్ అనుకున్నారు అఖిల్, భరత్, చందు.
ఎప్పటినుంచో ప్లాన్ చేస్తున్న ఆ ట్రిప్… చివరికి ఈరోజు నిజమైంది.
తెల్లవారుజామునే కారులో బయల్దేరారు.
సిటీకి చాలా దూరంలో ఉన్న ఓ నిర్మానుష్య బీచ్ వాళ్ల డెస్టినేషన్.
మొదట్లో దారి అడుగుతూ ముందుకు సాగారు. కానీ కొంత దూరం వెళ్లాక… ఒక్క మనిషి కూడా కనిపించలేదు.

"మ్యాప్స్ ఉంది కదా!" అనుకుని దానినే నమ్మారు.
కొన్ని నిమిషాల తర్వాత మ్యాప్ రెండు దారులు చూపించింది.
ఒకటి మెయిన్ రోడ్.
మరొకటి షార్ట్‌కట్.
"టైమ్ సేవ్ అవుతుంది…" అనుకుని… ఎలాంటి ఆలోచన లేకుండా షార్ట్‌కట్‌నే ఎంచుకున్నారు.
అదే… వాళ్లు చేసిన అతిపెద్ద తప్పు.
కొన్ని నిమిషాల్లోనే ఫోన్ సిగ్నల్ పూర్తిగా మాయమైంది.
"కొంచెం ముందుకెళ్తే వస్తుంది…" అనుకుంటూ ప్రయాణం కొనసాగించారు.
చుట్టూ దట్టమైన అడవి…
ఒక్క రోడ్డు…
ఆ రోడ్డుపై వాళ్ల కార్ తప్ప ఇంకెవరూ లేరు.
మొదట గాలి వీస్తోంది…
తర్వాత…
గాలి కూడా ఆగిపోయింది.
చెట్లు కదలడం మానేశాయి.
అంత నిశ్శబ్దం…
వాళ్లు మాట్లాడిన మాటలే వాళ్లకే ప్రతిధ్వనిలా వినిపించాయి.
దూరంగా ఒక చెట్టు… మనిషిలా వంగి… వాళ్లనే చూస్తున్నట్టుగా కనిపించింది.
భయంతో కార్ ఆపేశారు.
కొన్ని క్షణాలు గమనించారు.
ఏమీ లేదనుకుని మళ్లీ స్టార్ట్ చేయబోతుండగా…
ధామ్!
వాళ్ల ముందే ఒక భారీ కొమ్మ విరిగి పడింది.
ఆ శబ్దానికి ముగ్గురూ ఒకేసారి అరిచేశారు.
ఆ అరుపు… అడవి మొత్తం మార్మోగింది.
భయంతో కార్ స్పీడ్ పెంచేశారు.
అప్పుడే…
వాళ్ల వెనకాల ఎవరో పరుగెత్తుతున్నట్టుగా అడుగుల శబ్దం వినిపించింది.
రియర్ మిర్రర్‌లో చూశారు.
ఎవరూ లేరు.
కానీ…
ఆ శబ్దం మాత్రం ఇంకా దగ్గరపడుతూనే ఉంది.
భయం పెరిగింది…
స్పీడ్ ఇంకా పెరిగింది…
అప్పుడే…
ఒక భారీ అడవి పంది కార్ ముందు నుంచి దూసుకెళ్లింది.
గట్టిగా బ్రేక్ వేశారు.
కొన్ని క్షణాల తర్వాత…
ఆ అడుగుల శబ్దం పూర్తిగా మాయమైంది.
"ఇంతసేపు మనల్ని భయపెట్టింది ఇదేనేమో…" అనుకుని ఊపిరి పీల్చుకున్నారు.
కొంచెం దూరం వెళ్లాక…
సిగ్నల్ వస్తున్నట్టూ… మాయమవుతున్నట్టూ కనిపించింది.
బ్రేక్ తీసుకోవాలని నిర్ణయించి కార్ ఆపేశారు.
చెట్ల కింద కూర్చున్నారు.
అంతలో…
సిగ్నల్ కోసం ఫోన్ చూస్తూ వాళ్లలో ఒకడు తెలియకుండానే కొంచెం దూరం వెళ్లిపోయాడు.
కొన్ని సెకన్ల తర్వాత…
తిరిగి చూసేసరికి…
తన ఫ్రెండ్స్ కనిపించలేదు.
చుట్టూ అడవి మాత్రమే.
భయంతో ముందుకు నడుస్తూ ఉండగా…
వెనకాల ఎవరో నడుస్తున్నట్టుగా అనిపించింది.
గుండె వేగంగా కొట్టుకుంది.
ఒక్కసారిగా గాలి బలంగా వీచింది.
అదే సమయంలో…
తన భుజం మీద ఎవరో చెయ్యి వేసినట్టుగా అనిపించింది!
భయంతో గట్టిగా అరుస్తూ పరుగెత్తాడు.
అతని అరుపు విని మిగతా ఇద్దరూ అక్కడికి పరుగెత్తుకుంటూ వచ్చారు.
"ఏమైంది?"
వణుకుతూ…
"ఎవరో నన్ను ఫాలో అయ్యారు… నా భుజం మీద చెయ్యి వేశారు…" అన్నాడు.
ముగ్గురూ వెనక్కి తిరిగి చూశారు.
ఎవరూ లేరు.
అతని షర్ట్‌కి ఒక చెట్టు కొమ్మ చిక్కుకుని ఉంది.
అదే కారణమని అర్థమైంది.
ఇద్దరూ నవ్వేశారు.
కానీ…
అతని మనసు మాత్రం ఒప్పుకోలేదు.
"ఇక్కడ ఏదో ఉంది… మనల్ని చూస్తోంది…" అన్న భావన అతన్ని వదల్లేదు.
వెంటనే కార్ స్టార్ట్ చేశారు.
కొంత దూరం వెళ్లాక…
కార్ నడుపుతున్న వాడికి సైడ్ మిర్రర్‌లో ఏదో అలల్లా కదిలిన డిస్టోర్షన్ కనిపించింది.
మళ్లీ చూసేసరికి…
అది మామూలుగానే ఉంది.
పక్కన కూర్చున్న వాడికి…
దూరంగా ఒక నల్లటి ఆకారం వాళ్ల కార్‌ను గమనిస్తున్నట్టుగా అనిపించింది.
కొంచెం దగ్గరగా వెళ్లాక…
అది కేవలం చెట్టు నీడ మాత్రమే.
కానీ…
భయం మాత్రం తగ్గలేదు.
ముగ్గురికీ…
ముగ్గురు వేర్వేరు విషయాలు కనిపించడం మొదలైంది.
ఏది నిజం?
ఏది భ్రమ?
అర్థం కాకుండానే ముందుకు సాగారు.
అంతలో…
ఒక్కసారిగా…
మొదట్లో చూసిన అదే వంగిన చెట్టు మళ్లీ వాళ్ల ముందుకొచ్చింది.
ముగ్గురూ షాక్ అయ్యారు.
కార్ ఆపి చుట్టూ చూశారు.
అప్పుడు వాళ్లకు అర్థమైంది…

వాళ్లు ఎక్కడికీ వెళ్లలేదు.
మళ్లీ మొదటికే వచ్చేశారు.

ఆ మాట బయటకు వచ్చిన క్షణమే…
సూర్యుడు నెమ్మదిగా మాయమయ్యాడు.
అడవి మొత్తం చీకటిలో మునిగిపోయింది.
దూరంగా…
ఒక భారీ తుఫాన్ గాలి…
నేరుగా వాళ్ల వైపు దూసుకొస్తున్నట్టుగా కనిపించింది.
ఆ గాలిలో…
ఏవో ఆకారాలు కదులుతున్నట్టుగా అనిపించాయి.
ముగ్గురూ ఒకేసారి గట్టిగా అరిచారు…

అంతే…

───

ఇక్కడి నుంచి అసలు కథ మొదలవుతుంది, కొన్ని కథలు ముగిసిన తర్వాతే నిజంగా మొదలవుతాయి.

వాళ్లు అక్కడ నుంచి తప్పించుకున్నారా?
ఆ అడవిలో నిజంగా ఎవరో ఉన్నారా… లేక అది వాళ్ల భ్రమేనా?
మళ్లీ అదే చెట్టు దగ్గరకు ఎలా వచ్చారు?

ఈ ప్రశ్నలకు సమాధానం మీరు ఊహించిన దానికంటే చాలా భయంకరంగా ఉంటుంది…

తర్వాత ఏమి జరిగిందో తెలుసుకోవాలంటే… మాతో కనెక్ట్ అవ్వండి.

ఇలాంటి మరిన్ని కథలు చదవాలంటే మా బ్లాగ్‌ను తప్పకుండా Follow చేయండి!

Enjoying this story? If you want to understand how stories are structured, how characters are built, and how suspense is created, explore our Beginner's Guide to Story Writing and Screenplay. It is the perfect starting point for aspiring writers.

Beginner's Guide to Story Writing and Screenplay

Interested in adapting this story into a short film, web series, or feature film? For screenplay rights, collaboration, or licensing, please contact: admyviews@gmail.com 

-InkVerse Official 

Create. Write. Inspire